(اولاد اللزينا) … – الانتباهة أون لاين
[ad_1]
بقلم/صبري محمد علي (العيكورة)
من هم (اللزينا) الذين احجمت الجملة السودانية (البحتة) عن ذكرهم ؟
علمي علمك واحد يا (عب باسط)
اكيد هي صفة متغيرة وتركها المكتشف (المبدع) ليضعها كل من احتاج لخدمات هذه الجملة او إن شئت
فقل (شبة الجملة)
فمثلاً …
اذا سقط الطفل اثناء لهوه قلنا له
(ود اللزينا) قوم على حيلك واتبعناها بضحكة .
واذا (عار) بشخص ما حماراً و وسده الجابر
قهقهة كل من يشاهد (الماراثون) قائلاً (ود اللزينا)
رماهو ليك(بردلب)
وهكذا الامثله كثيره عن ان تُحصى
(فاااا) …..
حقيقة منذ ان كتبت مقالي بالامس وصباح اليوم واغلقت قلمي
عملت بمبدأ ..
(دع لنا القيادة واستمتع بالرحلة)
فدخلت (الميديا) محتطباً وباحثأ عن الشمارات (البايته)
لم اتوقف بعد إكمال قراءة اي مادة كتبت عن لقاء البرهان و (حجة عشة) و وفدها الخايب
إلا …
و وجدت نفسي
وبلا شعور اردد ضاحكاً
(اولاد اللزينا)
مع مد الالف الاخير بمقدار ست حركات
ياخ ….
بل من امو ….
نشر غسيل
على اصولو ….
(كشف حال) صاح
الطيار ما خلوه
والحبوبة ما خلوها
معلومات و وثائق لاول مرة تُنشر
على كيف كيفك ….
ياخ جابو ليك (كثافتهم) عديل
(اولاد اللزينا) …
تاني بتهابشو ؟
وتتكلموا باسم الشعب السوداني؟
هذا غير ….
(عصر الزيت) بتاع القنوات الفضائية منذ البارحة وحتى الآن
زرزرة وتعتعة وتأتأة
واقيف لي (النعدل توبي)
ياخ …
ندموهم ليك على اليوم
(الطراهم) البرهان .
(اولاد اللزينااااا) ….
حرامية وبالنهار كمان؟
يا جماعة انتو ما سمعتو
إنو البتاع ده خلاص (game over)
إما نصر او شهادة
ياخ لكن اليوم الواحد
إتكيف لمممن
قعد يغني (للجابري)
اولاد اللزينا
تاني بتمشوا للبرهان ؟
[ad_2]
Source link
